حزن يركض !

الإهداءات
  • غزل من من قلب الغزل ..:
    ضياءٌ شعَّ من أرض المدينة و زُفَّت البشرى لرسول الله (ص) بولادة سبطه الأول الإمام المجتبى (ع).✨💚
  • غزل من قلب الغزل:
    "يارب دائمًا اعطنّي على قد نيتي وسخر لي الأشخاص اللي يشبهون قلبي🌿✨. .
  • غزل من قلب الغزل:
    مارس الرحمة قدر المُستطاع فكلما تلطفت مع خلق الله زاد الله لطفهُ حولك.💐
  • غزل من قلب الغزل:
    اللهم إنك عفوٌ كريمٌ تحب العفو فاعفو عنا ♥️😌
حزن يركض !

بيه ، العطش حزنين
حزن ماخذني برموشك بخت فانوس
حزن يركض سفر بالعين
بصدري اجروحك اتشظن شتل سعفه
وشرب مني الجمر لونين
اشوف الحايط مرايه
شكثر ضملك فرح بطراف الحجايه
الگمر
يندگ محطة ،
شما يبوسه
شما يشبگه
شما يحضنه الماي
وين تريد؟
الشوارع دفتر الطايح
الوطن بات أعله عينه الليل من يقراك !
وين تريد ؟
الناس دموع
ضم روحك طعم منديل
أخذني وياك
خضر بالنظر صبير
ياشوف اليمر بالظلمة طيف عليك ؟
يا غيرك يدگ باب الجفن وأنطيك ؟
جم نشغة كلاهه الشوك بالبيبان
وره البيبان
حزن مصلوب
وره البيبان
جنحان الفخاتي غبشة المكتوب
خلگ مهره
تسلطن يالتعب روحي
دم دخان تسافر بالعطش روحي
يالمعة سمه بالشوك
ليش انجومك ابغربه !
عليك الناس عطشانه ومايك مستحي گمرة
بس جرف الشواطي واهس مجربه
الجفوف أگزاز
ورمش عينك خصر ممتد
گلي بيا بخت تنجاس
گلي بيا گمر تنباس
يانهد الشمس
ياطيره التمد اجناح
لو شب الضوه بالكاس
بيبان الفجر خدك وبوساتك بجي الملگه
انطيني شويه مني من الضوه الشبگه
سكرة موت ضحكاتك
رگص گلاده جياتك
ثورة اعله الحزن جيتك
طول الشجرة ملگة إشراع
اخذ عمر السواجي امتاع
جزه بيه العطش بعيونك ولايات
خضر بالحزن ضويات
والله الليل
مو غنوة حجي الغيرك
خذني الشوگ ورث كل تصاويرك
يالمغني التعب ليلين
 

أقسام الرافدين

عودة
أعلى أسفل