همت من غير راحة بال ... بس طرواك تبرالي / عريان السيد خلف
على جروحي الجروح تنوح ... حالي يشد عزم حالي
وأهيم و أناحر ويه الريح ... ياريح الجفا شكد عالي
لمن تعب الجدم هينوب ... منك ما شفت تالي
وتظل حايره ولا بالناس ... للسر ظل كلب خالي
ولا ترخص شجاها الروح ؟ شكد ما تذلها أنت غالي
أسال .. اسال الشمع وأتناك
وانت على اليسأل سالي
أو تظل على طول تبرالي
مثل ظلي ......
أو عذاب اجفاك كل لحظة يتراوالي
وأزيحك من رفيف الروح ... ما تنزاح من بالي
وأعيش بحسرتك هايم
وأعض أصبع ندم ... والندامة شنفع النادم
عفاني شبيه إلك نابات ما خلت كتر سالم
ولا أعاتب وأحن ... وتغيب عني الروح وانت على اليحن غايب
كافي ... أرحم وشيل العين تايب يا صبر تايب
بعد ما إلي ويه هاي الناس عشره ... أبطيبها أنطالب
ولا خوة إو جذب من كال ينفع بالمحن صاحب
كافي ... يكلبي وذب الحبل عالغارب
شجاها الروح ؟ شكد ما تذلها انت غالي
على جروحي الجروح تنوح ... حالي يشد عزم حالي
وأهيم و أناحر ويه الريح ... ياريح الجفا شكد عالي
لمن تعب الجدم هينوب ... منك ما شفت تالي
وتظل حايره ولا بالناس ... للسر ظل كلب خالي
ولا ترخص شجاها الروح ؟ شكد ما تذلها أنت غالي
أسال .. اسال الشمع وأتناك
وانت على اليسأل سالي
أو تظل على طول تبرالي
مثل ظلي ......
أو عذاب اجفاك كل لحظة يتراوالي
وأزيحك من رفيف الروح ... ما تنزاح من بالي
وأعيش بحسرتك هايم
وأعض أصبع ندم ... والندامة شنفع النادم
عفاني شبيه إلك نابات ما خلت كتر سالم
ولا أعاتب وأحن ... وتغيب عني الروح وانت على اليحن غايب
كافي ... أرحم وشيل العين تايب يا صبر تايب
بعد ما إلي ويه هاي الناس عشره ... أبطيبها أنطالب
ولا خوة إو جذب من كال ينفع بالمحن صاحب
كافي ... يكلبي وذب الحبل عالغارب
شجاها الروح ؟ شكد ما تذلها انت غالي
