استغلال البنات للرغبات الدنيئة

  • بادئ الموضوع 2x2
  • تاريخ البدء
  • 779
الإهداءات
  • غزل من من قلب الغزل ..:
    ضياءٌ شعَّ من أرض المدينة و زُفَّت البشرى لرسول الله (ص) بولادة سبطه الأول الإمام المجتبى (ع).✨💚
  • غزل من قلب الغزل:
    "يارب دائمًا اعطنّي على قد نيتي وسخر لي الأشخاص اللي يشبهون قلبي🌿✨. .
  • غزل من قلب الغزل:
    مارس الرحمة قدر المُستطاع فكلما تلطفت مع خلق الله زاد الله لطفهُ حولك.💐
  • غزل من قلب الغزل:
    اللهم إنك عفوٌ كريمٌ تحب العفو فاعفو عنا ♥️😌
ضحايا بريئة
خل نحجي شوية يااااا ايها الاجيال ،و بالخصوص جيل الـ 2000
هسة شگد اعماركم ؟ 20 مووو ؟؟تعالو بالله من الـ 2000للـ 2005 احجولي شنو الي عرفتوة من الحب وتحبون ؟؟
هذا الحجي موجهة للمراهقين و الشباب بهذا السن ، انتو الي دضحكون على بنات العالم بحجهة الحب و دگوللها احبج واتزوجج تعال لك ابني اهلك يصرفون عليك لو انتة تصرف على نفسك ؟؟ عندك غرفة جاهزة علمود تتزوج البنية الي تعلقت بيك وعلقت آمالها عليك وانطتك مفاتيح احلامها وسلمتك كولشي بروحها ؟ لو عندك بيت من ضمن املاكك الخاصة ؟؟!!!! من تدگ 12:00 بالليل تستلمها مراسلات و مكالمات بس تريد تشبع رغباتك القذرة ومعطلها عن امتحاناتها ودراستها علمود ترضيك و انتة تضحك عليها بس ونسة كم يوم وتعوفها تبجي بحسرة ، ميصير اسبك والله اريد اسبك بس مو ب ايدي ،تكسر بخاطرها وتخليها تتمرض و تسوء حالتها بسببك وترسب بدراستها بسببك لك انتة حليب نيدو لسة مشبعت منهة وتدور حب ؟يا حب هذا ابني ؟ انتبهة على دراستك احسن الك لو تشوفلك شغلة تعيش من وراها احسن الك ،،،، و انتي ي بنت الناس ؟ مفكرتي هذا الي يگولج احبج و اتزوجج جاي يضحك على عقلج ؟ مفكرتي هو لا بيت ولا اي شي و لا شغل وانتي مصدگتة ؟ لج شنو من عقل مفرغ عندج يا عقل الجوزاية ؟؟؟ لا وهم تتباهين بيهة گدام صديقاتج !!!!!
تعالي يبنت الناس تعالي ،ترى الاحلام متحقق بين ليلة وضحاها
والزواج مراح ينطيج مصباح علاء الدين السحري ثاني يوم العرس و اذا تركتي دراستج علمود ولد يوعدج بالزواج وهو مصروفة ياخذة بالبوگات من امة ؟ ترى هذا مجرد كلام وحجي يريدج تصدگية حتى يشبع رغباتة بيج كم يوم ويدور على غيرج ،،، وتروح منج دراسة سنوات وتعب اهلج عليج وطلعاتج بالبرد و الحر ،، لج يالغبية عافج و راح يضحك على وحدة غيرج وانتي تشوفية وتعرفية معندة مصداقية ليش متعلقة بيهة ؟ ليييييش ؟؟؟
ولكم شوهتو صورة الحب بسوالفكم المريضة وخليتو بهاية التصرفات الرعناء مكو اساس للصدق يعني اذا تكتب كلمة احبك تكتبوها مجوفة مفرغة بس مزخرفة من الخارج ،،،هذا الي يوعدج بالزواج ؟ مفكرتي انتي تريدين بيت وحدج ؟ بيت بس الج و وضيفة او عمل مستمر لهذا الي راح يتزوجج لو تنزللكم من السماء الاولى مائدة موسى لخاطر عيونكم يالمعصومين ؟؟
انتة ضل العب بمشاعر البنات لما تجي بنتك ويلعب عليها واحد بگدها ''''' و انتي ؟ ي الحبيتي هذا الاغبر والي دايضحك على عقلج ضلي مصدگتة ومصدگة سوالفة ومعيشج باحلام وردية لما تصحين بيوم من احلامج هاية لو على خبر امة اختارت الة زوجهة ' لو خبر كبل وي صديقتك وعافج ' لو خبر رسالة انتي متفيدية """""
وبعدها ضلي الطمي بگد الفرح الي فرحتية """""""
بنتي الي يحبج يجيج من الباب هو و اهلة مو يمد راسة من شباك غرفتج يدور بوسات وحضنات ،،،، لا بنتي عيب عليج لان متعرفين هذا صدوگ يحبج لو دايضحك عليج ،،، و الغباء الي تصدگية فوگ كول هذا يريد منج جهال و مسميهم هههههههههه جود و مدري منو ...... انتبهي على دراستج وكمليها وحصلي شهادة التخرج بعدها حبي براحتج انتي وهذاك الولد من حبتكم حية ام سبع روووس مو راس واحد ....
 
التعديل الأخير:
كلامك كلش صحيح بس بنفس الوقت من الطرفين .. لا تحمل طرف المسؤولية على حساب الطرف الثاني.
هم اكو بنات هنه يوكعن الشباب وغيرها وغيرها.
انعدمت الكثير من المبادئ واسس التربية والتعليم.
الله المستعان.

شكرا جزيلا لك اخي الكريم
تحيتي
 
  • بادئ الموضوع
  • #3
تحياتي لوجودك استاذنا
لكن اني حملت الطرفين مسؤليات تصرفاتهم مو طرف واحد و انتقدت بحدة الطرفين
 
هههههههههه شر البلية
مايضحك
احسنت اخي الله يرحمك
ياكلثوم + أم
حبي ايــــــــــــــــــه

الي جاي تئول عليه
 

أقسام الرافدين

عودة
أعلى أسفل